Samferdselsministeren med første spadetak for Sotrasambandet
Onsdag 22. mars markerte samferdselsminister Jon-Ivar Nygård prosjektstart for Rv. 555 Sotrasambandet. – Sotrasambandet skal sikre auka framkomme, og vil være med på å styrke Øygardens rolle for både regionale og nasjonale næringsinteresse. Sotrasambandet vil også knytte Bergensregionen nærare saman, seier Nygård.
Utviklinga av fastlandssambandet mellom Øygarden og Bergen vil være viktig for å sikre gode og effektive bu- og arbeidsmarknadsregionar. Prosjektet vil, når det er ferdig, styrke ein sårbar del av transportsystemet for landfast tilkomst for folk i Øygarden til hovudvegnettet og videre til annan transport.
I prosjektet skal det byggjast 9,4 kilometer veg, der om lag 4,6 vil gå gjennom tunnel. Prosjektet inkludera totalt fire nye bruer. Det er også planlagt 14 kilometer med gang- og sykkelveg.
– Sotrasambandet er eit stort og viktig vegprosjekt for Bergensregionen, som vil gi betre framkomelegheit for bilistar, kollektivtrafikk, og for gåande og syklande, seier samferdselsminister Jon-Ivar Nygård.
Det ljoma godt i store delar av Øygarden i dag då Vegvesenet markerte den offisielle starten på Rv. 555 Sotrasambandet med ei sprengsalve i det som skal bli den nye Kolltveittunnelen.
Store forventningar i Øygarden kommune
Det er store forventningar til prosjektet og særleg er Øygarden-ordførar Tom Georg Indrevik entusiastisk rundt det potensialet den nye vegen utløyser for kommunen.
– Vi har venta på dette sambandet i mange år. Det har vore førebuande arbeid med Sotrasambandet ei stund, og gravemaskinane er i sving. No gler vi oss stort over at arbeidet med sambandet bokstaveleg talt skyt fart. Realisering av Sotrasambandet er heilt avgjerande for å utvikla vekstkommunen Øygarden, seier ordførar Tom Georg Indrevik som takkar alle som har fått dette på plass.
OPS-selskapet Sotra Link AS er allereie i gang med arbeid fleire stader på strekninga. Utover våren blir det mykje folk i arbeid på anlegget som skal stå ferdig i 2027. I dag vart arbeidet offisielt starta.