Fellesprosjektet Arna–Stanghelle: Framdrift og arbeid som kjem i gang i 2026
Førebuande arbeid langs E16 held fram, samtidig blir fleire entreprisar førebudd for utlysing i haust, med oppstart i 2026.
Arbeidet som krev kolonnekøyring på E16 ved Stanghelle er venta ferdig i løpet av september. Sikringsarbeidet vil halde fram utover hausten, men utan behov for trafikkstenging. På Vaksdal er reinsk og sikring starta opp, og vil fortsette utover hausten. Berg- og skredsikringsarbeidet vil halde fram til våren 2026.
Nye kontraktar på veg ut i marknaden
Hausten og vinteren 2025 lyser Fellesprosjektet ut fleire entreprisar med førebuande arbeid. Desse er viktige for å sikre og klargjere anleggsområda før hovudkontraktane for veg- og jernbanetunnelane startar opp i 2029. Nokre av arbeida vil kunne påverke trafikken på E16 dei næraste åra.
Hausten 2026 startar omfattande arbeid på fleire lokasjonar:
- Furnestreet
- Dalehagen
- Gamle Fossen
- Langhelleneset
- Trengereid
- Romslo
I desse områda skal det etablerast mellom anna riggområder, rundkøyringar, skredsikring og anleggstunneler. Det skal også etablerast sjakter for deponering av overskotsmasse som skal førast ned i Sørfjorden.
Arbeid på jernbanetunnelar
Ei eiga entreprise for sikring av eksisterande jernbanetunnelar vert lyst i haust. Hovudarbeida skal utførast under planlagde togstansar i februar og april 2026.
Ny kontrollplass og deponiområde
På Dalehagen skal det etablerast deponiområde og på Furnestreet skal det byggjast ny kontrollplass som erstattar dagens på Romslo. Arbeid på begge desse plassane får oppstart våren 2026.